Studim i ri: Konsumimi afatgjatë i kosit është një “mburojë” kundër kancerit të zorrës së trashë

Konsumimi afatgjatë i kosit është i lidhur me një rrezik më të ulët të zhvillimit të kancerit të zorrës së trashë, sipas një studimi të udhëhequr nga Mass General Brigham dhe të publikuar në revistën Gut Microbes.

Studiuesit analizuan të dhëna nga dy studime të mëdha amerikane, që përfshinë më shumë se 150,000 individë, dhe zbuluan një lidhje mes konsumit të kosit dhe një incidencë më të ulët të kancerit të zorrës së trashë, veçanërisht në rastet që kishin prezencë të bakterit probiotik Bifidobacterium.

Ata vërejtën se pjesëmarrësit që konsumonin dy ose më shumë racione kos në javë kishin 20% më pak mundësi të zhvillonin tumore të zorrës së trashë të tipit proksimal, një formë që shfaqet në anën e djathtë të zorrës.

Studiuesit sugjerojnë se kos mund të ndihmojë në mbajtjen e një mikroflore të shëndetshme të zorrëve, duke bllokuar mikrobe të dëmshme, por ata theksojnë se janë të nevojshme kërkime të mëtejshme për të konfirmuar këto gjetje.