Përshkrim

Okitask 40 mg është një medikament analgjezik me përbërësin aktiv Ketoprofen, i dizenjuar për të ofruar lehtësim të shpejtë nga dhimbjet e lehta deri në ato të moderuara. Ky produkt është veçanërisht efektiv për dhimbje të zakonshme si dhimbja e kokës, dhimbja e dhëmbëve, dhimbjet muskulore, dhimbjet e kyçeve dhe kockave, si dhe dhimbjet menstruale.

Forma e tij inovative në bustinë, që tretet drejtpërdrejt në gojë pa nevojën për ujë, lejon një përthithje më të shpejtë të substancës aktive në organizëm, duke sjellë veprim të menjëhershëm dhe efikasitet të lartë në kontrollin e dhimbjes.

Indikacione:

• Dhimbje koke të lehta dhe të moderuara

• Dhimbje dhëmbi

• Dhimbje muskulare dhe reumatizmale

• Dhimbje menstruale

• Dhimbje në kyçe dhe kocka

Përdorim i thjeshtë dhe praktik – bustina e Okitask mund të konsumohet në çdo moment dhe vend, duke qenë ideale për njerëzit me një stil jetese aktiv që kërkojnë lehtësim të shpejtë pa ndërprerje të përditshmërisë.

Dozimi i rekomanduar:

• Për të rritur dhe adoleshentë mbi 15 vjeç: 1 bustinë, 2-3 herë në ditë pas vakteve.

• Nuk rekomandohet për përdorim te fëmijët nën 15 vjeç.

Përfitimet kryesore të Okitask 40 mg:

• Lehtësim i menjëhershëm i dhimbjes

• Përdorim pa ujë – thjesht vendoset në gjuhë dhe tretet

• I përshtatshëm për përdorim gjatë ditës në lëvizje

• I testuar dhe i aprovuar për efikasitet dhe siguri në përdorim afatshkurtër

Paralajmërime dhe kujdes:

• Mos e përdorni nëse jeni alergjik ndaj ketoprofenit ose përbërësve të tjerë të produktit

• Konsultohuni me mjekun nëse jeni shtatzënë, ushqeni me gji, keni probleme me mëlçinë, veshkat apo tensionin e gjakut

• Mos e përdorni më gjatë se rekomandohet pa këshillë mjekësore